Cudurka qanjirka tayroodhka (Thyroid disorders) waa xaalado saameeya qanjirka tayroodhka, kaas oo ku yaal qoorada hore ee dhuunta. Qanjirkani wuxuu xakameeyaa hormoonnada muhiimka ah ee qaabilsan dheef-shiidka jirka, korriinka, tamarta, iyo shaqooyin kale oo muhiim ah. Marka uu si sax ah u shaqayn waayo, waxay keentaa dhibaatooyin caafimaad oo badan.
1 Noocyada cudurrada qanjirka tayroodhka
1. Hypothyroidism (tayroodhka oo hoos u shaqeeya)
Qanjirka tayroodhku ma soo saaro hormoon ku filan, taasoo keenta hoos u dhac ku yimaada shaqada jirka.
2 Calamadaha tayroodka oo hoos u shaqeeya
Daal badan iyo tabar-darro
Miisaanka oo kordha inkastoo cunto yar la cuno
Qabowga oo aad dareento
Maqaarka oo qallalo
Timo lumis
Cunto shiidasho gaabis ah (calool fadhiga)
Niyad-jab iyo maskaxda oo gaabis noqota
3 Sababaha ugu wacan ee keena:
Cudurka Hashimoto (xanuun difaaca jirka oo qanjirka bartilmaameedsada)
Iodine yaraanta iyo daawooyinka qaar
4 Daaweynta cudurkaan tayroodhka
Daawada hormoonka tayroodhka lagu beddelo (levothyroxine).
2. Hyperthyroidism (tayroodhka oo aad u shaqeeya)
Qanjirka tayroodhku wuxuu soo daayaa hormoon badan, taasoo keenta dhaqsiyo xad dhaaf ah oo ku yimaada shaqada jirka.
5 Calaamadaha cudurka tayroodhka
Miisaanka oo si degdeg ah u dhaca .
Wadnaha garaaciisa oo kordha .
Gacmaha oo gariira (tremors) .
Kacsanaan iyo hurdo la'aan iyo dhidid badan.
https://youtu.be/i_jEP9S7vfo?si=YWi68njnO7qnMPUI
0 Comments