Cudurada indhaha kudhaca waa cudurro Qatar ah oo halistooda badan tahay, waxaana kamid ah
1 Conjunctivitis (cudurka daafka)
Daafka waxa uu kamid yahay cudurada faafa gaar ahaan cudurada ku dhaca indhaha waxa uuna inta badan bilaawdaa xiliga dabaylaha sidookale waxa uu daba socdaa nadaafad darida.
Maxaa sababa cudurka daafka .
Cudurkaan waxaa sababa bacteria loo yaqaan homophiles taasoo weerarta qeybta sare ee isha waxayna ka dhigtaa gaduud ugu danbayntiina waxay dhibaato ugaysataa qaybta isha u qaabilsan gudbinta ilayska.
Calaamadaha cudurka daafka
Calaamadaha cudurka daafka waxaa kamid ah: indha xanuun, indha cuncun, gaduud indhaha kuyimaada iyo malax iyo fiish.
Qaabka looga hortaggo cudurka daafka.
Waa inaad ku dadaashaa nadaafada guud iyo mida gaar ahaaneed sidookale waa inaad isha ka ilaalisaa farafaraha iyo marmarka.
2 cudurka Trachoma (caabuq ileed).
Waa caabuq daaha oo isha dhexdeeda ku samaysma waxuuna kudhacaa qaybta madoow ee isha waana chronic Conjunctivitis waxaana sababa jeemis looyaqaano chlamydia Trachomatis waxuuna sababaa dhibaatooyin tirabeel ah oo xagga araga ah islamarkaasna haddii aan la daaweyn ama aan laga hortegin waxaa ka dhala kara indha la,aan(blandness) waayoo guud ahaan qaybta aragga waxaa daboolaya hilib kusoo durgay.
Calaamadaha cudurka Trachoma.
Calaamadaha caabuqaan waxaa kamida indha gaduud, nabaro isha kasoobaxa iyo barobaro kasoobaxa qaybta cad ee isha waxayna qariyaan dhamaan qaybta araga.
3 Cudurka halistaa ee Glaucomada .
Waa cudur halis ah kasoo kudhaca indhaha waxuuna ku badan yahay dadka da,dooda ay dhaaftay 40 sano hadaba haddii aan si dhaqsiya wax looga qaban waxuu keeni karaa indha la,aan ama indhabeel waxuuna bukaanku dareemaa indha xanuun kolkaasna waxaa yaraada araga sidookale cudurkaan waxaa lookala saaraa labo nuuc oo kala ah:
A: acute glaucoma waa Marxaladda uguhoreeysa ee bukaanku dareemo cudurka Glaucomada, calaamadaha lagu gartana waxaa kamida:
Arag yari, indha gaduud iyo isha uu kudhacay cudurkaan oo isha kale kawaynaata.
B :Chronic glaucoma waa xanuun soo daaha oo kudhaca indhaha calaamadahiisa waxaa kamida: isha oo bararta , indha xanuun iyo arag yari timaada marba marka kadanbaysa.
https://www.drabdirizak.com/2024/10/dawooyinka-lagu-daweeyo-wax-yaabaha.html?m=1
0 Comments